FIFARanglista

Македонија скокна на 59. позиција на ФИФАРанкингот

Македонската фудбалска репрезентација направи фантастичен скок од 16 места и сега се наоѓа на 59. место на најновата ФИФА ранг листа. По двете победи над Андора и Хрватска, но и поразот од Израел, четата на Сречко Катанец напредуваше на најновиот ранкинг на ФИФА и се најде во друштво на најдобрите 60 светски фудбалски репрезентации со 556 поени. Тоа се 133 поени повеќе за разлика од она што Македонија го имаше на своето ФИФА конто пред еден месец.

Од оваа ноемвриска ранг листа зависи и изгледот на шеширите од кои ќе се извлекуваат квалификациските групи за пласман на СП 2010 година во недела во градот Дурбан. Македонија очекува да се најде во 4-от шешир од каде ќе очекуваме и два противника послаби од нас. Водечката тројка на листата останува иста и овој месец. Аргентина, пред Бразил и Италија.